കുഞ്ഞെന്ന സ്വപ്നം നിറവേറ്റാനുള്ള ഘട്ടങ്ങൾ അതിലോലവും സുരക്ഷിതവും ഫലപ്രദവുമാവണം. വന്ധ്യത ചികിത്സ രംഗത്ത് അത്യാധുനിക സൗകര്യങ്ങളും സാങ്കേതികവിദ്യകളും നിലവിലുണ്ടെങ്കിലും സാമ്പത്തിക ചെലവ് ഭാരമാകുന്നതിനാൽ കുറഞ്ഞ ചിലവിൽ മികച്ച ചികിത്സ എന്നതാണ് ഞങ്ങൾ ലക്ഷ്യമിടുന്നത്. 

IVF, ICSI തുടങ്ങിയ നിരവധി ചികിത്സകൾ ലക്ഷക്കണക്കിന് രൂപ ചെലവഴിച്ച് നടത്തിയിട്ടും പ്രതീക്ഷിക്കുന്ന ഫലം ലഭിക്കാതെ വരുമ്പോൾ, ദമ്പതികൾ ദീർഘകാല അടിസ്ഥാനത്തിൽ മാനസികവും സാമ്പത്തികവുമായ സമ്മർദത്തിന്  അടിമപ്പെടാറുണ്ട്. ഈ സാഹചര്യത്തിലാണ്, വന്ധ്യതയുടെ പല കാരണങ്ങളും ലളിതവും പാർശ്വഫലരഹിതവുമായ ഹോമിയോപ്പതി മരുന്നുകളാൽ ഫലപ്രദമായി ചികിത്സിക്കാൻ കഴിയുമെന്ന വസ്തുതക്ക് പ്രസക്തിയേറുന്നത്.

സ്ത്രീ വന്ധ്യതയുടെ കാരണങ്ങളായ ആവർത്തിച്ചുള്ള ഗർഭം അലസൽ, പി.സി.ഒ.ഡി, എൻഡോമെട്രിയോസിസ്, ഫൈബ്രോയിഡുകൾ, ക്രമം തെറ്റിയ ആർത്തവം, ഹോർമോൺ പ്രശ്നങ്ങൾ തുടങ്ങിയവയും,പുരുഷ വന്ധ്യതയുടെ കാരണങ്ങളായ ബീജത്തിന്റെ കൗണ്ട് കുറവ്, ചലനശേഷി ഇല്ലായ്മ, ഉദ്ധാരണ പ്രശ്നങ്ങൾ, വെരിക്കോസിൽ തുടങ്ങിയ വിവിധ കാരണങ്ങളും ഹോമിയോപ്പതി ചികിത്സയിലൂടെ മികച്ച രീതിയിൽ കൈകാര്യം ചെയ്യാമെന്ന് ഞങ്ങളുടെ ഒ.പിയിലെ കേസ് റെക്കോഡുകൾ സാക്ഷ്യപ്പെടുത്തുന്നു.!